2010-03-18

ledig?

Lea go láigobiila ledig? Mii lea ledig sámegillii dán oktavuođas?

inställt? upptaget?

Mot dadjá sámegillii ahte otná hárjehallan lea inställejuvvon? Sisastellejuvvon? Go toga lea inställt de dat lea várra bártiduvvon dehe maŋiduvvon, muhto go trimmen lea inställejuvvon, go omd latnja juo lei várrejuvvon eará doibmii, maid dalle sáhttá dadjat?

Nu jearan mon go muhtumin bággejuvvon instellet muhtun aerobicdiimmuid, go LES-viessu lea várrejuvvon diggeáššiide dehe suohkanstivračoahkkimiidda.

Na ba upptaget? Jos latnja lea várrejuvvon de dat lea várrejuvvon, muhto jos hivsset lea opptatt, maid dalle galgá lohkat? Hivsset lea várrejuvvon?

"doaba" ja "tearbma"

Mii lea erohus tearbma-doahpaga ja doaba-doahpaga gaskkas? Sátnegirjjis čuožžu ahte doaba lea "term, fagord" ja ahte tearbma lea "term". Dat várra ii leat nu stuora erohus, lea go?

Tearbmablogga viimmat :)

Mis lei Sámi allaskuvllas V-forum (Vetenskapsforum Inker-Anni Linkolain) moadde mánu áigi. Mii logaimet Marit B Henriksena artihkkala "Sáhttá go dieđagiela válljema ákkastallat dieđateorehtalaččat?" ja gulaimet muhtin ákkaid maid min doavttergráđahasat Pigga Lauhamaa, Erika Satta ja Inker-Anni Linkola ledje váldán vuhtii go válljejedje dieđagiela. Okta váttisvuohta sámegielain dieđalaš giellan lea dieđusge ahte lea oalle hommá hutkat tearpmaid olles áiggi. Allaskuvllas lea leamaš muhtun tearbmačoahkkin diibmá, muhto vuhttui ahte lei dárbu eambbo bargat dán suorggis. Mii mearrideimmet dalle álggahit ođđa siiddu weabbas gos beassá digaštallat ođđa doahpagiid ja tearpmaid. Vuhtiimet dárbbu dasa, jos olbmot galget nagodit dutkat sámegillii dáppe allaskuvllas. Dál mis lea dát blogga.

Buohkain (eai fal beare SA-olbmot) lea vejolašvuohta diŋgot bovdehusa mus čujuhusas ville.soderbaum@biegga.com dehe telefovnnas +47 47 29 26 95. Geavaheaddjinamma šaddá din mailčujuhus, ja de oažžubehtet ieža mearridit beassansáni go rahpabehtet googlekonto alcceseattet.

Jos sihtabehtet veahki blogget de lea dat maid vejolaš. Váldet beare oktavuođa! Ja jos ii siđa alccesis kontto, de sáhttá lihkka kommenteret dán bloggii anonyman dehe iežas namain. Jos hálida ieš čállit ođđa áššiid, de ferte leat googlekonto.

Lihkku bloggenmáilmmis! // Ville Söderbaum